I-Red-Legged Wot Wot ingulenye keletinhlobo letiSiphohlongo letawako letihlala e-Gruispan. Lesi Sicoco lesiyimvama etindzaweni letima-Sub-tropical eNingizimu Afrika tikhona kuphila etindzaweni letihlukene kusukela etigangeni kuye kutetindzawo letimanti. IRed Legged Wot Wot ayilubi kepha iyahamba kani kulula kuyibona ngalombala lobovu lokhanyako lobonakala ngekhatsi kwetinyawo tayo.

Lena inhlobo yesicoco lesiyimvama eNingizimu Afrika yonkane, iBubbling Kassina itfolakala kakhulu etindzaweni letimanti dvutane nemaDamu kanye naseticojeni.
Letindvuna ticala kubita ekudzeni ecele kwemanti, umangabe lensikati ibanenshisakalo titawubese tiyahamba
totimbili tiyongena emantini. Aba kulang 100 kuya ku 500 emacandza labekwa ngulensikati emantini lamile kani emacandza asuke abambeke etihlahleni, ematjeni kanye naletinye tintfo letisuke tincwilile. Bantfwana baleticoco bakhula kancane batsatsa emalanga langu 52 kuya ku 90 kucedza lesigaba sencenye yemjikeleto wekukhula kwaso.

I-Painted Reed Frog sicoco lesindlaleke kakhulu emnceleni welwandle leliseMpumalanga yeNingizimu neAfrika. Sitfolakala emaceleni kwelidzaka nobe emanti lamile, imifula kanye nemachibi kanye nakuto tonke tinhlobo temahlatsi netiganga kanye nasetindzaweni letihlukene letakhiwe bantfu kufaka ekhatsi tindzawo letilinyiwe, emadolobheni kanye nasetingandzeni. Ticanjwe ngemuva kulandzela imibala yato lekhanyako kanye nema-phethini, kunetinhlobo letinyentane tema-Morph yemibala. Tihlukaniseka ngemibala yato lekhanyako lebovu nobe lePink ngaphasi kwetitfo kanye netintwana. Ekugcineni kwetintwana tinematinzipho lenta leticoco tikhone kugibela ticu tetjani nemakhula. Ngetikhatsi tetimvula tibeka emacandza emantini ngeticuku talabalelwa kulangu 20, abambeke etihlahleni letingaphasi kwemanti.

Lesicoco lesikhulu, lesiluHlata lesikhanyako semhlanga lesitfolakala etifundzeni teMpumalanga neAfrika letiphasi. Sitfolakala etidzaweni letihlukene letimahlatsi kani sitalela eticwini temhlanga emaceleni kwemacaphozi. Emacandza aso avaleleka kuteticuku letisaJeli letibambeka kutemhlanga nobe tjani ngetulu kwemanti. Ebantfwana bato baNsundvu ngembala nemacaphata lasagolide ngembala ngaphasi kwabo. Bawela emantini ngesikhatsi sekuchobosa.

Tihlahlakati tasemantini pheceleti water lilies tibaluleke kakhulu kanasi sicoco lesincane siphindze sibe nemtimba lokhanyako locishe ubonakalisa ngekhatsi. Sitalela emantini lemile, emachibini nase madanyini lapho kukhula nobe kumila khona tihlahla temanti. Sitalela kusukela enyangeni yaKholwane kuya kuteNdlovu lenkhulu nangabe letidvuna tenta unsindvo locinile etihlahleni temanti letintantako. Kuba nelizinga lelulaka lelisetulu kakhulu emkhatsini kwaletidvuna umatitsintsana ngemiphimbo. Cishe abalelwa kulangu 500 emacandza laluhlata lokukhayako labekwa nguletinsikati ngeti cuku talangu 20 kuya ku 120 emkhatsini kwemiphetfo yemacembe etihlahla temanti. Emacandza analokusa jeli ngaphandle lokusebenta njenge-glue kugcina lamacembe ahlangene.

i-Dwarf puddle frog sicoco lesitfolakala etidzaweni leti phasi kuya kuteti dzawo leti phakeme kundlula emazinga elwandle nga 1500m. sincane ngesayiszi kani ticu temisindvo lesiwentanko icishe ifane neya letinye tilwanyane lokwenta kube lula kusi hlukanisa nobe kusibona. Leti ticoco letiyimvama kakhulu kandzi tidlala indzima lenkulu nobe lebalulekile kute mvelo yemachibi letihlala kuwo. Ticala kutaleta madvutane emuva kwetimvula teNtfwasanhlobo. Emacandza ato tiwabeka endzaweni yinye lendlalekile lengacishe ibe ngu 5 yemasentimitha lentanta etulu kwemanti. Kukhula kwato emuva kwekuChobosa kutsatsa emaviki lacishe abe ngulasihlanu, kulesi sigaba leticocokatane tisuke tibalelwa ku 6 emamilimitha ngebudze.

Sikhumba salesicoco lesimaholoholo senta lesicoco sikhone kuphila etindzaweni letomile nobe letinemvula lengakavami. Uma sitihlalele elangeni nobe endzaweni lefutfumalako umtimba waso untjintja ube mhlophe kwe chokho nobe sibeSambunga lephaphatsekile ngembala lokusenta sikhone kubuyisela lilanga nobe kukhanya emuva.
Lesi lesiSikati siyaphuma emantini siyotfola indzawo lelungele kwakha sidleke emagatjemi nobe kutemhlanga lolengela ngase mantini. Lesi lesisikati sikhipha itfo lemanti lesenta ngayo emagwebu sisebentisa tinyawo taso tangemuva. Letinye letindvuna tihlanganyela naletinsikati kuvundzisa emacandza letisuke tiwabeke kulawo magwebu. Emacandza ato tiwachobosela ngekhatsi kwetidleke. Ngemuva kwemalanga langu 4-6 bantfwana baleticoco bacale kuya ngentasi behla baze bangene emantini.

Lesicoco lesikhulu ngesayizi cishe sifike ku 120 emamilimitha ngebudze. Sikhumba saso simaholoholo siphindze sibe netindunduma letiphumela ebaleni. Ngesikhatsi saso sekutalela, letindvuna tenta umsindvo lomkhulu lohlukile. Njengalamanye ema-Toad tinetindunduma ngemuva kwemhlo ato letikhipha emacashata lamhloshane ashevu. Loku kungaba yingoti kuletinye tilwane leti tingela lesicoco. emaRaucous atalela emacandza lamanyenti kakhulu labalelwa kulangaba ngu 10 000 kutentfo lecishe ibe yintsambo lebambeka kutetihlahla temanti.